Toshkentda 23-may kuni “Toshkent Besh tashabbus harakati” yoshlar festivalida Oliy Majlis Qonunchilik palatasi deputatlari yoshlar bilan muloqot qildi. Muloqot davomida yoshlarning avtomobillar tonirovka puli va jarimalarni Ichki ishlar vazirligiga emas, davlat budjetiga o‘tkazish haqida so‘rov chiqarish bo‘yicha taklifiga Rasul Kusherbayev quyidagicha javob berdi.
Bizda 3—4 deputatga bitta mashina beriladi, to‘g‘risi, agar rahbar lavozimida bo‘lsa, alohida bor. Birortasining tonirovkasi yo‘q, lekin o‘zi mashina bo‘lganiga ham shukur. Ikkinchisi, mening ham jahlim chiqadi, qo‘lim kuyaveradi, men ham yozsang yozaver, deb qoraytirib olmoqchiman, qo‘llarim kuyib ketdi, lekin Balidan emas, quyoshdan qorayapti. Agar davlat idoralari: vazirliklarmi, prokuraturami, ichki ishlarmi va hokazo, tonirovka qilib xizmat avtomobilidan foydalanayotgan bo‘lsa, demak, xalqning mablag‘iga xiyonat qilayotgan bo‘ladi. Ikki million so‘m pul to‘lab qildiryapti, demak, u cho‘ntagidan emas, davlat budjetidan qilyapti. U nima, orom olib o‘tirish uchun xalqning pulidan to‘lashi kerakmi? Shuning uchun buni nazorat qilish kerak, menimcha. Kimning mashinasida shunaqa bo‘ladigan bo‘lsa, zudlik bilan budjetdan olgan pulingni qaytarib qo‘yib qo‘y joyiga, deb talab qilishimiz kerak ekan. Unda so‘rov chiqarsak bo‘lar edi.Kusherbayev jamoatchilik faol bo‘lgan taqdirdagina amaldorlar qilayotgan ishlari oldidan o‘ylashi, jamoatchilik oldida javob berishdan qo‘rqmaydigan odamlar esa xohlagan ishini qilishini ta’kidladi. “Fuqarolik pozitsiyasi bo‘lishi kerak. Lekin bo‘lganda ham qonuniy, asosli masalani qo‘yish kerak. Qo‘yayotgan masalangizning yechimi bitta sizning manfaatingiz bilan bog‘liq bo‘lmasin, umumjamiyat, umumdavlat manfaati bilan bo‘lsa, natijasi bilan bo‘ladi”, — deydi u.Qaysi amaldor xizmat avtomobilini tonirovka qilgan holda yurgan bo‘lsa, xalqning puliga xiyonat qilayotgan bo‘ladi, ya’ni bemaqsad ishlayotgan odam, bilib olinglar, qaysi amaldorlar tonirovkasiz yurgan bo‘lsa, xalqning puliga tegmayotgan bo‘ladi. Xalq pulini to‘lamasdan minayotgan bo‘lsa, qonunni buzyapti. Mayli, so‘rov chiqaramiz, kerak bo‘lsa. Qarab turinglar-da, siz ham faol bo‘linglar, ertaga yana bitta o‘zimiz qolib ketsak…
Rasul Kusherbayev, deputat
Eslatib o‘tamiz, ushbu muloqotda, shuningdek, deputat Doniyor G‘aniyev ham ishtirok etgan hamda “Deputatlar vazirliklarga pulni taqsimlab beradi, lekin o‘zimizda pul ham, resurs ham yo‘q. Eng achinarlisi, vazirlarda bor bitta yordamchimiz ham yo‘q”, — deya fikr bildirgan edi.
Mavzuga doir:
- Rasul Kusherbayev: O‘zimizga yaxshi baho beramiz, chunki “yerni chuqurroq haydayapmiz”
- O‘zbekistonda 2021-yil 1-sentabrdan haydovchilardan transport boshqarish uchun ishonchnoma va “tonirovka” ruxsatnomasini talab etish tartibi bekor qilinadi
- O‘zbekistonda qariyb 1,5 yilda “tonirovka” uchun 302 mlrd so‘mdan ortiq mablag‘ undirilgan
- Deputatlar avtomobil oynalarini qoraytirish masalasini qanday hal qilmoqchi?
Izoh (0)