Jamshid Bobojonov Toshkent viloyati hokimining turizm, sport, madaniyat, madaniy meros va ommaviy kommunikatsiyalar masalalari bo‘yicha o‘rinbosari etib tayinlandi. Bu haqda viloyat hokimligi matbuot xizmati xabar berdi.
Jamshid Bobojonov 1980-yilda Toshkent shahrida tug‘ilgan. Ma’lumoti – oliy. 2007-yilda O‘zbekiston milliy universitetini tamomlagan. Yangi lavozimga tayinlangunga qadar u “Milliy PR markazi” DUK direktori lavozimida faoliyat yuritgan.
Eslatib o‘tamiz, mart oxirida ham Toshkent viloyati hokimiga yangi yordamchi va maslahatchi tayinlangan edi.
Mavzuga doir: Navoiy viloyati hokimiga birinchi o‘rinbosar tayinlandi
Izoh (0)