Prezident matbuot kotibi Sherzod Asadov 3-may, dushanba kuni bo‘lib o‘tgan brifingda davlat rahbari Shavkat Mirziyoyevning shu haftadagi ish rejasidan videoselektor yig‘ilishi o‘tkazish ham o‘rin olganini ta’kidladi. Bu haqda “Daryo” muxbiri xabar bermoqda.
Asadov shu haftada davlat rahbari ishtirokida kutilayotgan tadbirlar xususida so‘z yuritdi.
Uning ta’kidlashicha, joriy haftada Korrupsiyaga qarshi kurashish masalalari bo‘yicha videoselektor o‘tkazilishi rejalashtirilgan.
“Unda davlat organlari, hokimlarning hisobotlari eshitiladi. Oxirgi vaqtlarda kuzatilayotgan voqealarni, fosh bo‘layotgan korrupsion holatlarni eshityapsizlar. Bu haqda avvalgi selektorlarda ham aytildi. ‘Andisha qilish davri tugadi. Hamma birdek – qonun ustuvor, jazo muqarrar’ ”— dedi Prezident.
Bu masala doimiy nazoratda va yaqin orada alohida selektor tashkil etilayotgani korrupsiyaga qarshi kurashish murosasiz tus olayotganini bildiradi — deb ta’kidlaydi Prezident matbuot kotibi.
Shuningdek, chet tillarini o‘qitish tizimini takomillashtirish, Tokio Olimpiadasiga o‘zbekistonlik sportchilarni tayyorlash masalalari bo‘yicha yig‘ilishlar bo‘lishi kutilmoqda.
Bundan tashqari, qishloq xo‘jaligi texnikasi korxonalarini transformatsiya qilish bo‘yicha taqdimot o‘tkazilishi ham mo‘ljallangan.
Izoh (0)