Andijon viloyatida qulog‘ida naushnik bilan ketayotgan yigitni poyezd bosib ketdi. Bu haqda Andijon viloyati IIBga tayanib “Zamon” xabar berdi.
Qayd etilishicha, hodisa 29-aprel kuni soat 11:00 larda sodir bo‘lgan. Poyezd urib yuborishi oqibatida fuqaro voqea joyida halok bo‘lgan.
Ma’lumotlarga ko‘ra, voqea Andijon tumanida sodir bo‘lgan. Jabrlanuvchi yigit 20—23 yoshlar atrofida bo‘lgan.
Bundan avval Toshkent viloyatida Lacetti yuk poyezdiga to‘qnashib, ag‘darilib ketgani, Toshkentda avtobus yo‘l chetida turgan piyodani urib ketgani hamda Namanganda naushnik taqib, temiryo‘l bo‘ylab harakatlangan 19 yoshli yigitni poyezd urib ketgani haqida xabar berilgandi.
Izoh (0)