“Qishloqqurilishbank” Sirdaryo mintaqaviy filialida 81 000 yevro miqdoridagi qalbaki valyuta aniqlangan. Bu haqda bank axborot xizmati xabar berdi.
Qayd etilishicha, mazkur holat bo‘yicha hujjatlar tegishli tartibda rasmiylashtirilib, qonuniy baho berish maqsadida Sirdaryo viloyati Ichki ishlar boshqarmasiga taqdim qilingan.
Mazkur holat bo‘yicha jinoyat ishi ochilgan va surishtiruv-tergov ishlari olib borilmoqda.
Holat yuzasidan surishtiruv-tergov ishlari yakunlangach, qo‘shimcha ma’lumotlar e’lon qilinishi ma’lum qilingan.
Bundan avval Jizzaxda soxta diplomga ega 10 ta maktab o‘qituvchisi qo‘lga olingani, Uchtepada qalbaki 6350 dollarni muomalaga kiritmoqchi bo‘lgan shaxs aniqlangani hamda Andijonda qalbaki dollarlar evaziga 9 ta iPhone 12 sotib olishga, Namanganda esa qalbaki pullarni bankka o‘tkazishga uringan shaxslar ushlangani haqida xabar berilgandi.
Izoh (0)