Rossiyaning Sankt-Peterburg shahrida o‘tkazilgan Gubernator Kubogi—2021 musobaqasining final bahslari 24-aprel, shanba kuni bo‘lib o‘tdi.
Super og‘ir vazn toifasida O‘zbekiston sharafini himoya qilgan Bahodir Jalolov finalda rossiyalik Ivan Veryasovga qarshi bahs olib bordi. Ikkinchi raundda Bahodir raqibini ikki bor nokdaun holatiga tushirdi. Uchinchi urinishda esa Veryasov dahshatli nokautni qabul qilib oldi.
Shu tariqa Jalolov xalqaro musobaqa oltin medaliga ega chiqdi va 450 ming rubl (63 mln so‘m) sazovor bo‘ldi.
Avvalroq Nodirjon Mirzaahmedov, Shahobiddin Zoirov va Mirazizbek Mirzaxalilov finalni g‘alaba bilan yakunlab, g‘oliblikni qo‘lga kiritdi. Abdumalik Halokov esa finalda yengilib, kumush medal bilan cheklandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)