Бокс. Баҳодир Жалолов россиялик рақибини нокаутга учратиб, Губернатор Кубоги—2021 ғолибига айланди
Россиянинг Санкт-Петербург шаҳрида ўтказилган Губернатор Кубоги—2021 мусобақасининг финал баҳслари 24 апрель, шанба куни бўлиб ўтди.
Супер оғир вазн тоифасида Ўзбекистон шарафини ҳимоя қилган Баҳодир Жалолов финалда россиялик Иван Верясовга қарши баҳс олиб борди. Иккинчи раундда Баҳодир рақибини икки бор нокдаун ҳолатига туширди. Учинчи уринишда эса Верясов даҳшатли нокаутни қабул қилиб олди.
Шу тариқа Жалолов халқаро мусобақа олтин медалига эга чиқди ва 450 минг рубль (63 млн сўм) сазовор бўлди.
Аввалроқ Нодиржон Мирзааҳмедов, Шаҳобиддин Зоиров ва Миразизбек Мирзахалилов финални ғалаба билан якунлаб, ғолибликни қўлга киритди. Абдумалик Ҳалоков эса финалда енгилиб, кумуш медал билан чекланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
