Futbol bo‘yicha O‘zbekiston Kubogining 2-turidan o‘rin olgan bir qator o‘yinlar 24-aprel, shanba kuni bo‘lib o‘tdi.
“Lokomotiv” o‘z maydonida “Turon”ni qabul qildi va 2:0 hisobidagi g‘alaba tantana qildi. Gollarga Marat Bikmayev va Azizbek Omonov mualliflik qildi.
“Andijon” “Aral Samali” maydonida mehmon bo‘ldi. Bellashuvda tomonlar murosa yo‘lini tanladi. Mezbonlarning goliga Navro‘zbek Olimov mualliflik qilgan bo‘lsa, vodiyliklar safida Abdulhay Ismoilov o‘z nomiga gol yozdirib qo‘ydi.
“Nasaf” o‘z maydonida Birinchi Liga vakili “Rubin”ni qabul qilib, raqib darvozasiga javobsiz 4 ta to‘p kiritdi. “Ajdarlar”ning gollariga Abubakr Rizo Turdialiyev, Murodbek Xo‘jamberdiyev, Sardor Sa’dullayev va Shohmalik Komilov mualliflik qildi. Qayd etish o‘rinli, “Rubin” 1-turda “Bunyodkor”dan javobsiz 10 ta gol o‘tkazib yuborgandi.
“Bundkor” Toshkentda “So‘g‘diyona”ni mehmon qildi. O‘yin tezkor gol bilan boshlandi. 3-daqiqada Daniel Nasriddinov jizzaxliklarni hisobda oldinga olib chiqdi, 65-daqiqaga kelib esa Shahboz Jo‘rabekov o‘z darvozasiga gol urib, muvozanat tiklanishiga sabab bo‘ldi.
Musobaqaning 2-turidan o‘rin olgan qolgan o‘yinlar 25—26-aprel kunlari bo‘lib o‘tadi.
O‘zbekiston Kubogi
Guruh bosqichi, 2-tur bahslari
Izoh (0)