Futbol bo‘yicha Germaniya Bundesligasining 31-turidan o‘rin olgan bir qator o‘yinlar 24-aprel, shanba kuni bo‘lib o‘tdi.
“Bavariya” “Mayns” maydoniga safar qilib, kutilmaganda mag‘lubiyatga uchradi. Mezbonlar safida Yonatan Burkardt va Robin Kvayson gol urgan bo‘lsa, o‘yinning asosiy vaqtiga qo‘shib berilgan daqiqalarida Robert Levandovski hisobni qisqartirishga muvaffaq bo‘ldi.
Ushbu o‘yindagi g‘alaba Myunxen klubiga chempionlikni taqdim etardi. Jamoaning hisobida hozirda 71 ochko bor. “Mayns” 34 ochko bilan 12-pog‘onada bormoqda.
“Borussiya D” safarda “Volfsburg” bilan bahs yuritdi. Erling Holandning 12 va 68-daqiqadagi gollari “arilar”ga g‘alaba keltirdi.
Mazkur g‘alabadan keyin dortmundliklarning ochkolari soni 55 taga yetgan holda 5-o‘rindan joy egallagan. “Volfsburg” (57) esa 3-pog‘onani band etgan.
Bundesliga
31-tur bahslari
24-aprel, shanba
“Mayns” — “Bavariya” 2:1
Gollar: 1:0 – 3 Burkardt, 2:0 – 37 Kvayson, 2:1 – 90+4 Levandovski.“Mayns”: Tsentner, da Koshta (Brosinski, 89), Hak, Niakate, Sen-Jyust, Mvene, Latsa, Barreyro (Kor, 90), Kvayson (Boetiyus, 68), Onisivo (Glatsel, 80), Burkardt (Oztunali, 46).
“Bavariya”: Noyer, Pavar, Boateng, Alaba (Gnabri, 70), Devis, Goretska (Nyanzu, 46), Kimmix, Myuller, Levandovski, Koman (Musiala, 46), Sane (Shupo-Moting, 46).
Ogohlantirishlar: Boateng (36), Goretska (41), Alaba (42), Mvene (58), Sen-Jyust (59), Levandovski (72), da Koshta (87).
“Volfsburg” — “Borussiya D” 0:2
Gollar: 0:1 – 12 Holand, 0:2 – 68 Holand.“Volfsburg” Kastels, Mbabu (Byalek, 65), Bruks, Lakrua, Paulo Otavio, Arnold, Gerxardt (Mexmedi, 81), Shlager, Filipp (Brekalo, 65), Baku, Vegorst.
“Borussiya D”: Hits, Pishchek, Jan, Akanji, Gerreyru, Daud, Sancho (Dileyni, 60), Reyna (Azar, 69), Bellinghem, Roys (Menye, 81), Holand.
Ogohlantirishlar: Bellinghem (13), Paulo Otavio (72), Menye (88).
Chetlatish: Bellinghem (59).
Izoh (0)