Moskvada 16 nusxadan iborat Lada avtomobillari kolleksiyasi sotuvga qo‘yildi. Deyarli yo‘l bosmagan ideal holatdagi modellarning har birini 1 million rubl (13 ming dollar) evaziga xarid qilish mumkin, deb xabar beradi Motor.
Lada’ning deyarli barcha modeli sotuvga qo‘yilgan. Taqdim etilgan nusxalar orasida “VAZ-2102”, “VAZ-2103, “VAZ-2105”, shuningdek, “2106”, “2108” va “2109” modellari bor. Bundan tashqari, kolleksiyadan “VAZ-2108”, “VAZ-2109”, shuningdek, “Kopeyka”, “Semyorka” va kabriolet kuzovidagi noyob “Samara” mavjud.
Sotuvchining so‘zlariga ko‘ra, u o‘z kolleksiyasini uzoq yillar davomida yig‘gan. Unda taqdim etilgan avtomobillarning barchasi ideal holatda, texnik jihatdan soz. Lada’larning barchasi deyarli yo‘l bosmagan. Mashinalarning faqat ayrimlarini odometrida minimal ko‘rsatkich qayd etilgan. Shu sababli 16 ta mashinaning barchasi deyarli yangi hisoblanadi.
Sotuvchi o‘z kolleksiyasini 16 million rublga (210 ming dollar) baholagan. Avtomobillarning har biri potensial xaridorga, taxminan, million rubldan tushadi. Ideal holatdagi “VAZ” modellarining bozordagi o‘rtacha narxi 300—500 ming rubl ekanligi inobatga olinsa, ushbu taklifni haqiqatda aqlbovar qilmas deb atash mumkin.
Avvalroq Moskvada konveyerdan eng birinchi chiqqan “VAZ-2106”lardan biri topilgani, Qozonda 46 kilometr yo‘l bosgan 23 yillik “Jiguli” yangi Vesta narxida sotuvga qo‘yilgani to‘g‘risida xabar berilgandi.
Izoh (0)