Toshkent shahar Mirobod tumanida Malibu va Lacetti ishtirokida yo‘l-transport hodisasi sodir bo‘ldi, deya xabar bermoqda shahar IIBB matbuot xizmati.
Ma’lum qilinishicha, 2021-yil 10-aprel kuni taxminan soat 16:40 da Mirobod tumani Mehrjon ko‘chasida (Dilkash kafesi qarshisida) ikkita transport vositasi – 65 yoshli Ozarbayjon fuqarosi X.K. ishonchnoma asosida boshqargan Lacetti (davlat raqami 01 310 AYEA) va 28 yoshli Sh.M. boshqargan Malibu (davlat raqami 01 S 710 UA) avtomobillari to‘qnashuvi ro‘y berdi.
Dastlabki ma’lumotlarga ko‘ra, to‘qnashuvga Lacetti haydovchisining belgilanmagan joydan burilib olmoqchi bo‘lgani sabab bo‘lgan.
YTH oqibatida Lacetti yo‘lovchisi 63 yoshli N.V. hamda ikkala avtomobil haydovchilari turli darajadagi badan shikastlari bilan shifoxonaga yetkazildi.
Tibbiyot xodimlarining sa’y-harakatlariga qaramasdan, Lacetti haydovchisi hayotdan ko‘z yumdi.
Mazkur fakt asosida Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish qoidalarini buzish) bo‘yicha jinoiy ish qo‘zg‘atildi. Tergov olib borilmoqda.
Bundan avval Namanganda Spark ag‘darilib ketishi oqibatida bir kishi vafot etgani, Surxondaryoda Cobalt va Spark to‘qnashuvi oqibatida 6 kishi halok bo‘lgani hamda Jizzaxda yuk mashinasi va 2 avtomobil ishtirokidagi YTH oqibatda 1 kishi vafot etgani haqida xabar berilgandi.
Izoh (0)