Тошкент шаҳар Миробод туманида Malibu ва Lacetti иштирокида йўл-транспорт ҳодисаси содир бўлди, дея хабар бермоқда шаҳар ИИББ матбуот хизмати.
Маълум қилинишича, 2021 йил 10 апрель куни тахминан соат 16:40 да Миробод тумани Меҳржон кўчасида (Дилкаш кафеси қаршисида) иккита транспорт воситаси – 65 ёшли Озарбайжон фуқароси Х.К. ишончнома асосида бошқарган Lacetti (давлат рақами 01 310 AYEA) ва 28 ёшли Ш.М. бошқарган Malibu (давлат рақами 01 S 710 UA) автомобиллари тўқнашуви рўй берди.
Дастлабки маълумотларга кўра, тўқнашувга Lacetti ҳайдовчисининг белгиланмаган жойдан бурилиб олмоқчи бўлгани сабаб бўлган.
ЙТҲ оқибатида Lacetti йўловчиси 63 ёшли Н.В. ҳамда иккала автомобиль ҳайдовчилари турли даражадаги бадан шикастлари билан шифохонага етказилди.
Тиббиёт ходимларининг саъй-ҳаракатларига қарамасдан, Lacetti ҳайдовчиси ҳаётдан кўз юмди.
Мазкур факт асосида Жиноят кодексининг 266-моддаси 2-қисми (одам ўлимига сабаб бўлган транспорт бошқариш қоидаларини бузиш) бўйича жиноий иш қўзғатилди. Тергов олиб борилмоқда.
Бундан аввал Наманганда Spark ағдарилиб кетиши оқибатида бир киши вафот этгани, Сурхондарёда Cobalt ва Spark тўқнашуви оқибатида 6 киши ҳалок бўлгани ҳамда Жиззахда юк машинаси ва 2 автомобиль иштирокидаги ЙТҲ оқибатда 1 киши вафот этгани ҳақида хабар берилганди.
Изоҳ (0)