Yengil vazn toifasida UFC sobiq chempioni Habib Nurmagomedov promoushen prezidenti Deyna Uayt bilan bo‘lgan hal qiluvchi suhbat haqida fikr bildirdi.
Birinchi navbatda shuni aytishim kerak, Deyna Uaytga rad javobini berish juda qiyin. Rostini aytaman. Ba’zida u yaxshi kayfiyatda kelar, muloyim bo‘lardi. Ayrim paytlarda bu muloyimlikdan asar ham qolmasdi. Bugun bir gapni ayta turib, ertasiga boshqacha gapirardi. Biroq nima bo‘lgan taqdirda ham bunisi haqiqiy erkaklar o‘rtasidagi erkakcha suhbat bo‘ldi.Eslatib o‘tamiz, Habib 2020-yilning oktabrida Jastin Getjiga qarshi kechgan jangdagi g‘alabadan keyin faoliyatini yakunlaganini ma’lum qilgandi. UFC 23-mart kuni Nurmagomedovning ketganini rasman tasdiqlab, uni reytingdan chiqarib yubordi.So‘nggi suhbat chog‘ida u mendan so‘radi: “Hoy! Endi nima qilamiz?”. Men hech narsa o‘zgarmaganini, yengil divizion rivojlanishi kerakligi va uni ushlab turmoqchi emasligimni aytdim. Qarorim o‘zgarmaganini ma’lum qildim. So‘ngra u qo‘ng‘iroqni amalga oshirdi va Charlz Oliveyra — Maykl Chendler jangini tasdiqladi. Ular mening qarorimni kutib turgan ekan.
Bu oqshom men uchun yoqimli va qiziqarli bo‘ldi deya olaman. Men kelib suhbatlashdim, keyin esa qandaydir g‘amginlikni his qildim. Ular nihoyat, yengil divizion kamari vakant bo‘lib qolganini ma’lum qildi. Shunchaki bir gapni aytmoqchiman, men butun qalbim bilan musobaqani yaxshi ko‘raman, juda kuchli yaxshi ko‘raman...
Habib Nurmagomedov, UFC sobiq jangchisi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)