O‘zbekiston milliy terma jamoasi bosh murabbiyi Vadim Abramov Gana B jamoasiga qarshi o‘rtoqlik o‘yinidan (2:1) so‘ng o‘z fikrlari bilan o‘rtoqlashdi, deb xabar bermoqda “Championat.asia”.
O‘yin haqidaShuningdek, Gana ustozi Ibrohim Tanko ham matbuot anjumanida ishtirok etdi.O‘yin haqida nima deyish mumkin? Birinchi navbatda muxlislarga minnatdorchilik bildiraman. Bunday ajoyib muhitda to‘p tepish doim yoqimli. O‘yin ularga manzur kelgan bo‘lsa, biz bundan xursandmiz. Gana yaxshi jamoa ekanligini ko‘rdingiz. G‘alaba qozonish va muxlislar ishonchini olish yaxshi.
Markaziy himoyada o‘ynagan Azim Ahmedovning o‘yini haqida
Uning ko‘rsatgan o‘yinini yomon deya olmayman. Bu chiziqda muammolar borligi sabab unga imkoniyat berib ko‘rdik. Umid qilamanki, hammasi ko‘ngildagidek bo‘ladi. Biz barchaga imkoniyat beramiz. O‘zbekiston pasportiga ega barcha futbolchilar terma jamoaga nomzod. Superligada endigina uchta tur o‘tdi. Keyingi o‘yinlarni yana kuzatamiz. Namanganlik futbolchilar kuchliligini ko‘rsatsa, yaxshi darajada to‘p tepsa, chaqiruv oladi.
Jamoaning vaziyatlardan foydalana olmayotgani va Eldor Shomurodovdan ko‘p narsa kutilgani haqida
Xorijda o‘ynayotgan legionerlar uzoq parvozlarni amalga oshirib yetib keldi. Uch kun ichida tiklandi va moslashdi. Hamma futbolchilar har xil holatda edi. Eldor Shomurodovni vaqtliroq zaxiraga olishni rejalashtirgandim. To‘g‘ri, u vaziyatlardan foydalana olmadi. Keyingi uchrashuvda uning holati yanada yaxshiroq bo‘ladi deb o‘ylayman.
Darvozabonning xatosi haqida
Darvoza chizig‘i muammoli chiziqlardan biri hisoblanadi. Terma jamoaga nomzod darvozabonlarni ko‘zdan kechirishda davom etamiz. Maydondagi qolgan futbolchilar ham xatolarga yo‘l qo‘ydi. Lekin ularni hech kim payqamadi. Darvozabonda doim mas’uliyat yuqori bo‘ladi. Ilyosov iqtidorli darvozabon.
Yana qaytaraman darvoza chizig‘i og‘riqli nuqtamiz. Markaziy himoyachilarni yana ko‘ramiz. Shu nuqta ham muammomiz hisoblanadi.
Iroq bilan o‘yinda qanday o‘zgarishlarga qo‘l urmoqchiligi haqida
Hozir qaynoq kayfiyatda biror fikr bildirish qiyin. Ertaga barchasi aniq bo‘ladi. Kimdir jarohat olgan, yana kimdadir boshqa muammo bor. Namangan shahriga va muxlislarga yana bir bor rahmat aytaman.
Vadim Abramov, O‘zbekiston milliy terma jamoasi bosh murabbiyi
Bugun ikkala jamoa ham yaxshi o‘ynadi. Biz ikkita jiddiy xatoga yo‘l qo‘ydik va raqib gollar urdi. Yigitlarim hisobni tenglashtirishga o‘zlarida kuch topa oldi. O‘zbekiston terma jamoasini g‘alaba bilan tabriklayman.Ibrohim Tanko, Gana B terma jamoasi bosh murabbiyi
Eslatib o‘tamiz, O‘zbekiston 29-mart kuni Iroq terma jamoasiga qarshi o‘rtoqlik o‘yini o‘tkazadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)