UFC prezidenti Deyna Uayt yengil divizion vakili Jastin Getji yaqin orada chempionlik jangida ishtirok etishini ma’lum qildi.
“Getji Habibga yutqazdi, biroq biz unga juda qimmatli imkoniyat taqdim etamiz.
Katta ehtimol bilan Chendler — Oliveyra jangi g‘olibi Getji bilan to‘qnash keladi. Hozirda u yaxshi pozitsiyada turibdi va chempionlik jangiga haqli”, — deydi Uayt.
Avvalroq Getji chempionlik jangi berilmayotgani sabab UFC’dan norozi bo‘lgan va promoushenni tark etishga shama qilgandi.
Eslatib o‘tamiz, Habib Nurmagomedov faoliyatini yakunlagach vakant qolgan chempionlik kamari uchun Charlz Oliveyra va Maykl Chendler o‘zaro jang qiladi.
Getji so‘nggi jangini 2020-yilning oktabrida Habib Nurmagomedovga qarshi o‘tkazgan va unda mag‘lub bo‘lgandi. Undan avval sportchi Toni Fergyusonni mag‘lub etib, yengil divizion vaqtinchalik kamari sohibiga aylangandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)