Shahzoda Garri Vashingtonda joylashgan, noto‘g‘ri axborot tarqalishiga qarshi kurashga ixtisoslashgan Aspen institutining komissiya a’zosiga aylandi. Bu haqda Daily Mail nashriga tayanib, “Korrespondent.net” xabar berdi.
“Biz zamonaviy raqamli dunyoda aniq fikrlashga, ham shaxs, ham jamiyat sifatida yashayotgan dunyomizni tushunishga xalaqit beradigan ko‘plab noto‘g‘ri axborotlar oqimiga duch kelyapmiz” — deya gazeta gersogning gapidan iqtibos keltirdi.
Ta’kidlanishicha, shahzodaga filantrop va Archewell tashkilotining asoschisi sifatida yangi lavozim taklif qilingan. U to‘liq bo‘lmagan ish kuni bilan qabul qilingan. Uning majburiyatiga vaqti-vaqti bilan komissiya majlislarida qatnashish kiradi.
Nashr ma’lumotlariga ko‘ra, komissiyaga 14 kishi taklif qilingan, ular orasida texaslik sobiq kongressmen Uill Xyord, mediamagnat Rupert Merdokning kelini Ketrin Myordok, AQSh Milliy razvedkasining sobiq direktor o‘rinbosari Syu Gordon va boshqalar bor.
Avvalroq Garri Kaliforniyaning kouching, konsultatsiya va murabbiylik bilan shug‘ullanuvchi BetterUp kompaniyasiga ishga joylashgani haqida xabar berilgandi. Kompaniya Kremniy vodiysida joylashgan.
The Wall Street Journal’ning xabar berishicha, Garri mahsulot strategiyasi hamda xayriya faoliyatini ishlab chiqish bilan shug‘ullanadi, shuningdek, ruhiy salomatlik bilan bog‘liq mavzularda omma oldida chiqishlar qiladi.
Izoh (0)