Шаҳзода Гарри Вашингтонда жойлашган, нотўғри ахборот тарқалишига қарши курашга ихтисослашган Аспен институтининг комиссия аъзосига айланди. Бу ҳақда Daily Mail нашрига таяниб, «Korrespondent.net» хабар берди.
«Биз замонавий рақамли дунёда аниқ фикрлашга, ҳам шахс, ҳам жамият сифатида яшаётган дунёмизни тушунишга халақит берадиган кўплаб нотўғри ахборотлар оқимига дуч келяпмиз» — дея газета герцогнинг гапидан иқтибос келтирди.
Таъкидланишича, шаҳзодага филантроп ва Archewell ташкилотининг асосчиси сифатида янги лавозим таклиф қилинган. У тўлиқ бўлмаган иш куни билан қабул қилинган. Унинг мажбуриятига вақти-вақти билан комиссия мажлисларида қатнашиш киради.
Нашр маълумотларига кўра, комиссияга 14 киши таклиф қилинган, улар орасида техаслик собиқ конгрессмен Уилл Хёрд, медиамагнат Руперт Мердокнинг келини Кэтрин Мёрдок, АҚШ Миллий разведкасининг собиқ директор ўринбосари Сью Гордон ва бошқалар бор.
Аввалроқ Гарри Калифорниянинг коучинг, консультация ва мураббийлик билан шуғулланувчи BetterUp компаниясига ишга жойлашгани ҳақида хабар берилганди. Компания Кремний водийсида жойлашган.
The Wall Street Journal’нинг хабар беришича, Гарри маҳсулот стратегияси ҳамда хайрия фаолиятини ишлаб чиқиш билан шуғулланади, шунингдек, руҳий саломатлик билан боғлиқ мавзуларда омма олдида чиқишлар қилади.
Изоҳ (0)