Ramen − tezpishar taom retsepti

Oddiygina mahsulotlar yordamida ajoyib ta’mga ega taom tayyorlaymiz.

Kerakli mahsulotlar:

• lapsha makaroni − bir qadoq;
• sarimsoq − 2 bo‘lak;
• sariyog‘ − 1 osh qoshiq;
• quritilgan chili − 1/2 osh qoshiq;
• soya sousi − 1 osh qoshiq;
• jigarrang shakar − 1 osh qoshiq;
• tuxum − 1 dona.
• kunjut, ko‘k piyoz.

1. Lapsha suvda qaynatib olinadi.
2. Sarimsoq maydalanib, sariyog‘da qizarguncha qovuriladi.
3. Ustidan quritilgan chili, soya sousi va jigarrang shakar solib, aralashtiriladi.
4. Pishirilgan lapsha suzgich yordamida olinadi va sousli aralashmaga solinadi.
5. Ustidan tuxum chaqilib, yana 1-2 daqiqa davomida pishiriladi.
6. Tayyor bo‘lgan taom ta’bga ko‘ra kunjut va ko‘k piyoz bilan iste’mol qilinadi.