Рамен − тезпишар таом рецепти

Оддийгина маҳсулотлар ёрдамида ажойиб таъмга эга таом тайёрлаймиз.

Керакли маҳсулотлар:

• лапша макарони − бир қадоқ;
• саримсоқ − 2 бўлак;
• сариёғ − 1 ош қошиқ;
• қуритилган чили − 1/2 ош қошиқ;
• соя соуси − 1 ош қошиқ;
• жигарранг шакар − 1 ош қошиқ;
• тухум − 1 дона.
• кунжут, кўк пиёз.

1. Лапша сувда қайнатиб олинади.
2. Саримсоқ майдаланиб, сариёғда қизаргунча қовурилади.
3. Устидан қуритилган чили, соя соуси ва жигарранг шакар солиб, аралаштирилади.
4. Пиширилган лапша сузгич ёрдамида олинади ва соусли аралашмага солинади.
5. Устидан тухум чақилиб, яна 1-2 дақиқа давомида пиширилади.
6. Тайёр бўлган таом таъбга кўра кунжут ва кўк пиёз билан истеъмол қилинади.