O‘zbekistonda 27-28-mart kunlari bolalarni maktabgacha ta’lim tashkilotlariga elektron navbatga qo‘yish tizimi vaqtinchalik to‘xtatiladi. Bu haqda Maktabgacha ta’lim vazirligi axborot xizmati xabar berdi.
Ma’lum qilinishicha, tizim faoliyatining vaqtincha to‘xtatilishiga texnik profilaktika ishlarini olib borilishi sabab bo‘lmoqda.
Eslatib o‘tamiz, O‘zbekiston Prezidenti Shavkat Mirziyoyev 2017-yilning oktabrida maktabgacha ta’lim tizimini tubdan takomillashtirish masalalariga bag‘ishlab yig‘ilish o‘tkazgandi. O‘shanda Yagona interaktiv davlat xizmatlari portaliga “Bolalarni davlat maktabgacha ta’lim muassasalariga qabul qilish va navbatga qo‘yish bo‘yicha elektron dastur”ni joriy etish bo‘yicha topshiriq berilgan edi.
Izoh (0)