Toshkentning markaziy mavzelarida issiqlik va issiq suv ta’minoti vaqtincha to‘xtatildi

Toshkentning Mirobod tumani Amir Temur ko‘chasidan o‘tuvchi issiqlik tarmog‘ida avariya holati yuzaga kelishi sababli ayni vaqtda tezkor ta’mirlash ishlari olib borilmoqda. Bu haqda “Toshissiqquvvati” DUKga tayanib, poytaxt hokimligi matbuot xizmati xabar berdi.

Ta’kidlanishicha, ta’mirlash ishlari munosabati bilan quyidagi manzillarda issiqlik va issiq suv ta’minoti vaqtincha to‘xtatildi. Xususan,

• Amir Temur ko‘chasida;
• Sodiq Azimov ko‘chasida;
• Maxtumquli ko‘chasida;
• Gulyamov ko‘chasida;
• Shahrisabz ko‘chasida;
• Markaz-1 mavzesida;
• Markaz-2 mavzesida;
• Markaz-4 mavzesida.

Eslatib o‘tamiz, 2020-yilning noyabrida Toshkentda issiqlik ta’minoti tizimidagi muammolarni bartaraf etish uchun 772,2 million dollar kerakligi ma’lum qilingandi.