AQShning Illinoyis shtatidagi Evanston shahri hukumati mamlakatda birinchi bo‘lib kamsitish va ta’qiblarga uchragan afroamerikalik oilalar uchun uy-joy sharoitlarini yaxshilash uchun pul ajratish to‘g‘risida qaror qabul qildi. Bu haqda shahar matbuot xizmatiga tayanib, “Korrespondent.net” xabar berdi.
Ta’kidlanishicha, mablag‘ 2019-yilda giyohvand moddalar savdosining qonuniylashtirilganidan keyin tashkil etilgan maxsus fond hisobidan ajratiladi.
Taxminlarga ko‘ra, 10 yil ichida shahar hukumati 75 minga odam o‘rtasida 10 million dollar mablag‘ni taqsimlab beradi.
Birinchi bosqichda 400 ming dollar ajratish ko‘zda tutilgan, unga ko‘ra, subsidiya sifatida 25 ming dollar 16 oilaning yashash sharoitini yaxshilashga sarflanadi.
1919-yildan 1969-yilgacha Evanston shahrida yashagan afroamerikaliklar yoki ularning to‘g‘ridan to‘g‘ri qarindoshlari mazkur subsidiyaga da’vo qilishi mumkin.
Avvalroq Minneapolis hukumati (Minnesota shtati, AQSh) 2020-yil hibsga olish paytida politsiya tomonidan o‘ldirilgan afroamerikalik Jorj Floydning oilasiga 27 million dollar miqdorida kompensatsiya to‘lashi haqida xabar berildi.
Shuningdek, Norvegiya parlamenti a’zosi Petter Eyde Black Lives Matter (BLM) harakatini 2021-yilgi tinchlik bo‘yicha Nobel mukofotiga nomzod sifatida ilgari surdi. Parlamentariy o‘zining bu kabi qarorini BLM’ning tizimli o‘zgartirishlarga bog‘liq chaqiriqlari butun dunyo bo‘ylab tarqalgani bilan izohlagan. Mukofotga ilgari surish arizasida Eyde BLM AQShdan boshqa mamlakatlarni ham irqchilikka qarshi kurashishga da’vat etganini ta’kidlagan.
Izoh (0)