АҚШнинг Иллинойис штатидаги Эванстон шаҳри ҳукумати мамлакатда биринчи бўлиб камситиш ва таъқибларга учраган афроамерикалик оилалар учун уй-жой шароитларини яхшилаш учун пул ажратиш тўғрисида қарор қабул қилди. Бу ҳақда шаҳар матбуот хизматига таяниб, «Korrespondent.net» хабар берди.
Таъкидланишича, маблағ 2019 йилда гиёҳванд моддалар савдосининг қонунийлаштирилганидан кейин ташкил этилган махсус фонд ҳисобидан ажратилади.
Тахминларга кўра, 10 йил ичида шаҳар ҳукумати 75 минга одам ўртасида 10 миллион доллар маблағни тақсимлаб беради.
Биринчи босқичда 400 минг доллар ажратиш кўзда тутилган, унга кўра, субсидия сифатида 25 минг доллар 16 оиланинг яшаш шароитини яхшилашга сарфланади.
1919 йилдан 1969 йилгача Эванстон шаҳрида яшаган афроамерикаликлар ёки уларнинг тўғридан-тўғри қариндошлари мазкур субсидияга даъво қилиши мумкин.
Аввалроқ Миннеаполис ҳукумати (Миннесота штати, АҚШ) 2020 йил ҳибсга олиш пайтида полиция томонидан ўлдирилган афроамерикалик Жорж Флойднинг оиласига 27 миллион доллар миқдорида компенсация тўлаши ҳақида хабар берилди.
Шунингдек, Норвегия парламенти аъзоси Петтер Эйде Black Lives Matter (BLM) ҳаракатини 2021 йилги тинчлик бўйича Нобель мукофотига номзод сифатида илгари сурди. Парламентарий ўзининг бу каби қарорини BLM’нинг тизимли ўзгартиришларга боғлиқ чақириқлари бутун дунё бўйлаб тарқалгани билан изоҳлаган. Мукофотга илгари суриш аризасида Эйде BLM АҚШдан бошқа мамлакатларни ҳам ирқчиликка қарши курашишга даъват этганини таъкидлаган.
Изоҳ (0)