Qoraqalpog‘iston Respublikasi Ichki ishlar vazirligi Yo‘l harakati xavfsizligi boshqarmasi YPX otryadi uchinchi safarbar guruhi inspektori, safdor Doniyor Qairboyev o‘z xizmat vazifasini bajarish paytida halok bo‘ldi. Bu haqda Qoraqalpog‘iston Respublikasi IIV YHXB matbuot xizmatiga tayanib, “Xalq so‘zi Online” xabar berdi.
Ma’lum qilinishicha, YPX inspektori Qairboyev 21-mart kuni Mo‘ynoq tumani hududidagi 4R-173 avtomobil yo‘lining 91—93 kilometri oralig‘ida o‘z xizmat vazifasini olib borgan. Qairboyev “UAZ-3303” rusumli avtotransport vositasini to‘xtatish vaqtida uni mast holda boshqarib kelayotgan haydovchi urib yuborgan.
Yo‘l-transport hodisasi oqibatda tan jarohatini olgan inspektor shifoxonada o‘ziga kelmasdan vafot etgan.
Mazkur holat yuzasidan surishtiruv ishlari olib borilmoqda.
Avvalroq Andijonda YPX xodimi Damas urib ketishi oqibatida vafot etgani, Qo‘qonda YPX xodimini mashina ustida sudrab ketgan haydovchi 1,5 yilga qamalgani, Namanganda erining mashinasini boshqargan ayol YPX xodimini urib yuborib, voqea joyidan qochib ketgani to‘g‘risida xabar berilgandi.
Izoh (0)