Toshkentdagi Yashnobod tumanining ayrim hududlarida 23-mart kuni gaz ta’minoti vaqtincha to‘xtatiladi

23-mart kuni Toshkent shahrining Yashnobod tumani ayrim hududlarida ta’mirlash ishlari tufayli gaz ta’minoti vaqtincha to‘xtatiladi. Bu haqda “Hududgaz poytaxt” matbuot xizmati xabar berdi.

Ma’lum qilinishicha, tumandagi ba’zi gaz quvurlarida ta’mirlash ishlari olib borilayotgani sababli sota 10:00 dan 18:00 gacha bir necha manzilgohlarda gaz ta’minoti bo‘lmaydi, ba’zilarida gaz bosimi pasayadi:

• D.Usmanova ko‘chasida;
• Karimova ko‘chasida;
• Uysozlar ko‘chasida;
• Mumtoz ko‘chasida;
• Ohangrabo ko‘chasida va ushbu ko‘chaning 1, 2, 3 va 4-muyulishlarida;
• Chashma ko‘chasi va uning 1, 2, 3 va 4-muyulishlarida;
• Shavkat ko‘chasi va uning 1, 2, 3 va 4-muyulishlarida;
• Sadaf ko‘chasida;
• Charos ko‘chasida;
• Muloyim ko‘chasida;
• Tabibiy ko‘chasida;
• Tabassum ko‘chasida
• Tolariq ko‘chasida;
• DXX harbiy shaharchasida.

“Hududgaz Poytaxt” gaz ta’minoti filiali ta’mirlash ishlari tufayli yetkazilayotgan noqulayliklar uchun uzr so‘raydi.

Eslatib o‘tamiz, Toshkentdagi Yangihayot tumanining ayrim hududlarida 19-mart kuni gaz ta’minoti vaqtincha to‘xtatilgan edi.