Қорақалпоғистон Республикаси Ички ишлар вазирлиги Йўл ҳаракати хавфсизлиги бошқармаси ЙПХ отряди учинчи сафарбар гуруҳи инспектори, сафдор Дониёр Қаирбоев ўз хизмат вазифасини бажариш пайтида ҳалок бўлди. Бу ҳақда Қорақалпоғистон Республикаси ИИВ ЙҲХБ матбуот хизматига таяниб, «Халқ сўзи Online» хабар берди.
Маълум қилинишича, ЙПХ инспектори Қаирбоев 21 март куни Мўйноқ тумани ҳудудидаги 4Р-173 автомобиль йўлининг 91—93 километри оралиғида ўз хизмат вазифасини олиб борган. Қаирбоев «УАЗ-3303» русумли автотранспорт воситасини тўхтатиш вақтида уни маст ҳолда бошқариб келаётган ҳайдовчи уриб юборган.
Йўл-транспорт ҳодисаси оқибатда тан жароҳатини олган инспектор шифохонада ўзига келмасдан вафот этган.
Мазкур ҳолат юзасидан суриштирув ишлари олиб борилмоқда.
Аввалроқ Андижонда ЙПХ ходими Damas уриб кетиши оқибатида вафот этгани, Қўқонда ЙПХ ходимини машина устида судраб кетган ҳайдовчи 1,5 йилга қамалгани, Наманганда эрининг машинасини бошқарган аёл ЙПХ ходимини уриб юбориб, воқеа жойидан қочиб кетгани тўғрисида хабар берилганди.
Изоҳ (0)