Shokolad va qorag‘atli quymoq retsepti

Nonushtaga noodatiy quymoq tayyorlab, oila a’zolaringizni xursand qiling.

Kerakli mahsulotlar:

• un —150 gramm;
• kakao — 2 osh qoshiq;
• shakar — 1 choy qoshiq;
• razrixlitel — 1 paket;
• tuxum — 1 ta;
• sut — 350 gramm;
• sariyog‘ — 40 gramm;
• qorag‘at — 200 gramm;
• makkajo‘xori kraxmali — 1 osh qoshiq;
• smetana — 200 gramm;
• shakar kukuni — 1 osh qoshiq;
• dolchin — 1 choy qoshiq.

1. chuqurroq idishga un, kakao, razrixlitel, shakar solib aralashtiring;
2. un o‘rtasini chuqir qilib, unga tuxum chaqing;
3. ustidan sut, eritilgan sariyog‘ni quyib, quymoq xamirini tayyorlang. Aralashma ustini yopib, 10 daqiqaga tindiring;
4. yog‘langan tovani qizdirib, xamirni quying. Ikki tomanini qizartirib pishiring;
5. pishgan quymoqlarga sariyog‘ surtib, likopchaga taxlang;
6. qorag‘atli sous tayyorlash uchun mevalarga 1-2 osh qoshiq shakar, kraxmal solib, yaxshilab aralashtiring. O‘rta olovda quyulguncha qaynating;
7. smetanaga shakar kukuni, dolchin qo‘shib, sous tayyorlang;
8. dasturxonga quymoqlarni mevali va smetanali sous bilan torting.