Futbol bo‘yicha Angliya Premyer Ligasining 27-turida “Manchester Siti” va “Manchester Yunayted” jamoalari 7-mart, yakshanba kuni o‘zaro to‘qnash keldi.
Uchrashuvning dastlabki daqiqalaridayoq mehmonlar penalti ishlab oldi. 11 metrlik jarima zarbasini Brunu Fernandesh aniq ijro etdi. Ikkinchi bo‘lim debyutida Lyuk Shou darvozabon tomonidan boshlab berilgan hujumni muvaffaqiyatli yakunladi. Qolgan vaqtda hisob o‘zgarmadi.
Shu tariqa Pep Gvardiola shogirdlarining ketma-ket 15 o‘yindan iborat g‘alabali seriyasi yakunlandi.
Bu g‘alabadan keyin Ole-Gunnar Sulsher shogirdlari ochkolarini 54 taga yetkazib olgan holda ikkinchi o‘ringa qaytdi. “Siti” 65 ochko bilan yakka peshqadam bo‘lib turibdi.
“Manchester Yunayted” keyingi turda “Vest Hem”ni qabul qilsa, “Manchester Siti” Londonda “Fulhem” mehmoni bo‘ladi.
APL
27-tur bahsi
7-mart, yakshanba
“Manchester Siti” — “Manchester Yunayted” 0:2
Gollar: 0:1 – 2, penalti Brunu Fernandesh, 0:2 – 50 Shou.“Manchester Siti”: Ederson, Joau Kanselu (Uoker, 65), Stounz, Ruben Diash, Zinchenko, Rodri, de Bryuyne, Sterling, Gundo‘g‘an, Mahrez, Gabriel Jezus (Foden, 70).
“Manchester Yunayted”: Henderson, Lindelyof, Shou, Maguayr, Uan-Bissaka, Fred, Brunu Fernandesh (Uilyams, 90), Maktominey, Jeyms, Marsyal (Matich, 88), Reshford (Grinvud, 73).
Ogohlantirishlar: Maguayr (32), Shou (58), Henderson (60).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)