Futbol bo‘yicha Ispaniya La Ligasining 26-turida “Atletiko” va “Real Madrid” jamoalari 7-mart, yakshanba kuni o‘zaro bahs yuritdi.
Uchrashuvning 15-daqiqasida Markos Lyorentening uzatmasidan keyin Luis Suares hisobni ochdi. Bahs davomida har ikki jamoa vakillarida bir qator imkoniyatlar bo‘ldi.
Ikkinchi bo‘lim yakunlanishi arafasida mehmonlarning kuchli bosimi o‘z foydasini berdi. Kazemironing uzatmasidan keyin Karim Benzema yaqin masofadan raqib darvozasini ishg‘ol qilib, muvozanatni tikladi.
“Atletiko” 59 ochko bilan peshqadam bo‘lib turibdi, shu bilan birga Diyego Simeone jamoasi bitta zaxira o‘yiniga ega. “Real” esa 54 ochko bilan uchinchi o‘rinda bormoqda.
“Real” keyingi turda “Elche” bilan o‘ynaydi, “Atletiko” klubi “Xetafe” uyida mehmon bo‘ladi.
La Liga
26-tur bahslari
7-mart, yakshanba
“Atletiko” — “Real Madrid” 1:1
Gollar: 1:0 – 15 Suares, 1:1 – 88 Benzema.“Atletiko”: Oblak, Ermoso, Felipe, Savich, Trippyer, Lyorente, Koke, Lemar (Saul, 57), Karrasko (Joau Feliks, 64), Korrea (Kondogbia, 82), Suares.
“Real Madrid”: Kurtua, Nacho, Mendi, Varan, Vaskes, Kazemiro, Kroos, Rodrigo (Vinisius Junior, 60), Modrich, Asensio (Valverde, 60), Benzema.
Ogohlantirishlar: Karrasko (64), Varan (67), Korrea (72), Joau Feliks (80), Savich (90), Lyorente (90+2).
“Ueska” — “Selta” 3:4
Gollar: 0:1 – 5 Santi Mina, 1:1 – 14 Siovas, 2:1 – 16 Rafa Mir, 2:2 – 37 Nolito, 2:3 – 52 Malo, 3:3 – 74 Ferreyro, 3:4 – 76 Beltran.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)