Futbol bo‘yicha Italiya A Seriyasining 26-turida “Jenoa” 7-mart, yakshanba kuni “Roma” maydonida mehmon bo‘ldi.
Uchrashuvning 24-daqiqasida Janluka Manchini tomonidan urilgan goldan keyin rimliklar oldinga o‘tib oldi. Qolgan vaqtda hisob o‘zgarmadi va “Roma” minimal hisobdagi g‘alabani qo‘lga kiritdi.
Uchrashuvda Eldor Shomurodov 46-daqiqada zaxiradan maydonga tushdi.
“Roma” mazkur g‘alabadan keyin ochkolarini 50 taga yetkazib olgan holda to‘rtinchi o‘ringa ko‘tarildi. “Jenoa” esa 27 ochko bilan 13-pog‘onada bormoqda.
Genuyaliklar keyingi turda “Udineze”ni qabul qiladi, “Roma” esa “Parma” mehmoni bo‘ladi.
A Seriya
26-tur bahsi
7-mart, yakshanba
“Roma” — “Jenoa” 1:0
Gol: 1:0 – 24 Manchini.“Roma”: Lopes, Karsdorp, Smolling, Manchini, Bruno Peres (Spinatssola, 86), Pellegrini, Kristante, Pedro (Karles Peres, 74), Diavara (Vilyar, 60), ash-Shaaravi (Mxitaryan, 60), Mayoral (Fasio, 87).
“Jenoa”: Marketti, Zappakosta, Krishito, Masello, Gilyone (Kassata, 46), Strotman (Skamakka, 76), Radovanovich, Zays (Melegoni, 78), Badel, Pyatsa (Shomurodov, 46), Destro.
Ogohlantirishlar: Masyello (42), Destro (45), Strotman (64), Manchini (65), Krishito (83).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)