Футбол бўйича Англия Премьер Лигасининг 27-турида «Манчестер Сити» ва «Манчестер Юнайтед» жамоалари 7 март, якшанба куни ўзаро тўқнаш келди.
Учрашувнинг дастлабки дақиқаларидаёқ меҳмонлар пенальти ишлаб олди. 11 метрлик жарима зарбасини Бруну Фернандеш аниқ ижро этди. Иккинчи бўлим дебютида Люк Шоу дарвозабон томонидан бошлаб берилган ҳужумни муваффақиятли якунлади. Қолган вақтда ҳисоб ўзгармади.
Шу тариқа Пеп Гвардиола шогирдларининг кетма-кет 15 ўйиндан иборат ғалабали серияси якунланди.
Бу ғалабадан кейин Оле-Гуннар Сульшер шогирдлари очколарини 54 тага етказиб олган ҳолда иккинчи ўринга қайтди. «Сити» 65 очко билан якка пешқадам бўлиб турибди.
«Манчестер Юнайтед» кейинги турда «Вест Ҳэм»ни қабул қилса, «Манчестер Сити» Лондонда «Фулҳэм» меҳмони бўлади.
АПЛ
27-тур баҳси
7 март, якшанба
«Манчестер Сити» — «Манчестер Юнайтед» 0:2
Голлар: 0:1 – 2, пенальти Бруну Фернандеш, 0:2 – 50 Шоу.«Манчестер Сити»: Эдерсон, Жоау Канселу (Уокер, 65), Стоунз, Рубен Диаш, Зинченко, Родри, де Брюйне, Стерлинг, Гундўған, Маҳрез, Габриэль Жезус (Фоден, 70).
«Манчестер Юнайтед»: Ҳендерсон, Линдельоф, Шоу, Магуайр, Уан-Биссака, Фред, Бруну Фернандеш (Уильямс, 90), Мактоминей, Жеймс, Марсьяль (Матич, 88), Рэшфорд (Гринвуд, 73).
Огоҳлантиришлар: Магуайр (32), Шоу (58), Ҳендерсон (60).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)