Futbol bo‘yicha Angliya Premyer Ligasining 27-turida “Liverpul” 7-mart, yakshanba kuni “Fulhem”ni qabul qildi.
Birinchi bo‘lim yakunlanishi arafasida Muhammad Salohning xatosidan keyin Mario Lemina mersisaydliklar darvozasini ishg‘ol qildi. Ikkinchi bo‘limda darvozalar daxlsiz qoldi va Leminaning goli o‘yinda yagonaligini saqlab qoldi.
Shu tariqa Yurgen Klopp shogirdlari “Enfild”dagi ketma-ket oltinchi o‘yinda mag‘lub bo‘ldi va klub antirekordini yana yangiladi.
“Liverpul” 43 ochko bilan 7-o‘rinda bormoqda. 18-o‘rindagi “Fulhem” esa ochkolarini 26 taga yetkazib oldi.
“Qizillar” keyingi turda “Vulverhempton” mehmoni bo‘ladi, “Fulhem” esa “Manchester Siti”ni qabul qiladi.
APL
27-tur bahslari
7-mart, yakshanba
“Liverpul” — “Fulhem” 0:1
Gol: 0:1 – 45 Lemina.“Liverpul”: Alisson, Fillips, Uilyams, Robertson, Uilyams (Aleksander-Arnold, 76), Shakiri, Milner (Fabinyo, 76), Saloh, Veynaldum (Mane, 62), Diogu Jota, Keyta.
“Fulhem”: Areolya, Tete, Andersen, Ayna, Adarabioyo, Lemina, Rid, Kavaleyru (Mitrovich, 85), Dekordova-Rid, Lukman (Robinson, 83), Maja (Loftus-Chik, 67).
Ogohlantirishlar: Tete (38), Diogu Jota (42), Lemina (47), Keyta (90), Mitrovich (90).
“Vest Bromvich” — “Nyukasl” 0:0
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)