Blahovich Adesanyani mag‘lub etdi, Yan chetlatildi, Nunyes va Maxachevda g‘alaba. UFC 259 musobaqasi natijalari

UFC promousheni Toshkent vaqti bilan 7-mart, yakshanba kuni AQShning Las Vegas shahrida (Nevada shtati) o‘zining navbatdagi musobaqasini o‘tkazdi.

UFC 259 musobaqasining asosiy jangida yarim og‘ir vazn toifasi chempioni Yan Blahovich (28-8) da’vogar Israel Adesanyaga (20-1) qarshi oktagonga chiqdi. Jang to‘liq besh raund davom etdi. Hakamlar esa 49-46, 49-45, 49-45 hisobida Blahovichning g‘alabasini qayd etdi. Shu tariqa polshalik sportchi chempionlik kamarini o‘zida saqlab qoldi. Adesanya esa faoliyatida ilk bor mag‘lubiyatga uchradi.

UFC 259 musobaqasi natijalari

Asosiy kard:

• Yan Blahovich (28-8) hakamlar qaroriga ko‘ra Israel Adesanyani (20-1) mag‘lub etdi;
• Amanda Nunyes (21-4) 1-raunddayoq Megan Andersonni (11-4) og‘ritish usuli bilan yengdi;
• Petr Yan (15-2) taqiqlangan zarba bergani sabab diskvalikatsiya qilindi va g‘alaba Aljemeyn Sterlingga (20-3) berildi;
• Islom Maxachev (19-1) 3-raundda Dryu Doberni (23-10) bo‘g‘ish usuli bilan taslim etdi;
• Aleksandr Rakich (14-2) hakamlar qaroriga ko‘ra Tiago Santos (21-9) ustidan g‘alaba qozondi.

• Dominik Kruz (23-3) hakamlar qaroriga ko‘ra Keysi Kennini (16-3-1) taslim qildi;
• Kayler Fillips (9-1) hakamlar qaroriga ko‘ra Song Yadong (16-5-1) ustidan g‘alabaga erishdi;
• Askar Askarov (13-0-1) hakamlar qaroriga ko‘ra Jozef Benavidesni (28-8) mag‘lub qildi;
• Kay Kara Frens (22-9) 1-raunddayoq Rojerio Bontorinni (16-3) nokautga uchratdi;
• Tim Elliott (18-11-1) hakamlar qaroriga ko‘ra Jordan Espinoza (15-9) ustidan g‘alaba qozondi;
• Kennedi Nzechakvu (8-1) 2-raunddayoq Karlos Olbergni (5-1) nokautga uchratdi;
• Shon Bredi (14-0) 3-raundda Jeyk Mettyusni (17-5) taslim etdi;
• Amanda Lemos (9-1-1) 1-raunddayoq Liviya Souzani (14-3) nokautga uchratdi;
• Urosh Medich (7-0) 1-raunddayoq Aalon Kruzni (8-4) nokautga uchratdi;
• Trevin Jons (13-6) 2-raundda Mario Bautistani (8-2) nokautga qildi.