Futbol bo‘yicha Angliya Premyer Ligasining 29-turidan o‘rin olgan uchta bellashuv 4-mart, payshanba kuni bo‘lib o‘tdi.
Turning markaziy uchrashuvi “Enfild”da “Liverpul” hamda “Chelsi” o‘rtasida kechdi. Uchrashuvdagi yagona gol 42-daqiqada Meyson Mauntning mezbonlar darvozasi tomon yo‘llagan aniq zarbasidan urildi.
Ushbu g‘alabadan so‘ng Tomas Tuxel shogirdlari 47 ochko bilan turnir jadvalining 4-pog‘onasiga ko‘tarildi. O‘z uyida mag‘lub bo‘lgan “Liverpul” esa 43 ochkosi bilan 7-o‘rinda qayd etilgan.
Ushbu turda “Tottenhem” autsayder “Fulhem” maydoniga safar qildi. Unda “shporlar” Tosin Adarabioyoning 19-daqiqadagi avtogoli evaziga g‘alaba qozondi.
Mazkur g‘alabadan so‘ng Joze Mourinyo boshchiligidagi “Tottenhem” APL musobaqa jadvalida 42 ochko bilan 8-o‘rinda, mag‘lubiyatga uchragan “Fulhem” esa 23 ochko bilan 18-o‘rinda bormoqda.
APL
29-tur bahslari
4-mart, payshanba
“Liverpul”—“Chelsi” 0:1
Gol: 0:1 – 42 Maunt.
“Liverpul”: Alisson, Robertson, Kabak, Aleksander-Arnold, Fabinyo, Jons (Diogu Yota, 62), Veynaldum, Mane, Tiago Alkantara (Milner, 80), Saloh (Oksleyd-Chemberlen, 62), Firmino.
“Chelsi”: Mendi, Jeyms, Kristensen, Aspilikueta, Chiluell, Maunt (Kovachich, 81), Kante, Ziyosh (Pulishich, 66), Jorjinyo, Ryudiger, Verner (Haverts, 90).
“Fulhem”—“Tottenhem” 0:1
Gol: 0:1 – 19, avtogol Adarabioyo.
“Tottenhem”: Lyoris, Devis, Doerti, Sanches, Alderveyreld, Ndombele (Lamela, 75), Alli (Sissoko, 67), Beyl (Lukas Moura, 67), Hyoyberg, Son Hyon Min, Keyn.
Ogohlantirishlar: Lukman (39), Beyl (45), Rid (90).
“Vest Bromvich”—“Everton” 0:1
Gol: 0:1 – 65 Risharlison.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)