Dortmundning “Borussiya” klubi hujumchisi Erling Holand Yevropaning qator top-klublari qiziqishiga sabab bo‘lmoqda.
Ular qatorida “Manchester Siti”, “Real”, “Manchester Yunayted”, “Bavariya” va “Chelsi” kabi jamoalar bor.
“Shaharliklar” hujumchini yozda jamoa bilan shartnomasi tugaydigan Serxio Agueroning o‘rnida ko‘rmoqda. Madridliklar esa Holandga Karim Benzemaning kelajakdagi o‘rinbosari sifatida qaramoqda.
Erling “Real”ga o‘tishni istamoqda, biroq “Manchester Siti” variantini ko‘rib chiqishga ham tayyor. “Bavariya” va “Chelsi” futbolchini u qadar kuchli qiziqtirmayapti, deya xabar qilmoqda ESPN.
Norvegiyalik futbolchining kelajagi “Borussiya”ning 2020/21-yilgi mavsumdagi natijalariga bog‘liq. Agar klub Chempionlar Ligasiga yo‘llanma ololmaydigan bo‘lsa, Holand o‘zini transferga qo‘yishlarini talab qiladi.
20 yoshli forvard Bundesliga 2020/21-yilgi mavsumida 18 o‘yin o‘tkazib, 17 gol va to‘rtta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)