Futbol bo‘yicha Italiya A Seriyasining 25-turida Milanning “Inter” klubi 4-mart, payshanba kuni “Parma” maydoniga safar qildi.
Dastlab bellashuvning 54-daqiqasida Aleksis Sanches mehmonlarni hisobda oldinga olib chiqdi. Bu goldan 8 daqiqa o‘tib, uning o‘zi “Inter”ning ikkinchi golini kiritdi. Ushbu gollarga “Parma” yarim himoyachisi Ernani Juniyor o‘zining 71-daqiqadagi goli bilan javob qaytardi. Shu tariqa “Inter” safarda 2:1 hisobidagi g‘alabani qo‘lga kiritdi.
Mazkur g‘alabadan so‘ng Antonio Konte shogirdlari ochkolari sonini 59 taga yetkazib, turnir jadvalida yaqqol peshqadam bo‘lib turibdi. Jamoaning eng yaqin ta’qibchisi “Milan” 25-turdan so‘ng hamshaharidan 6 ochkoga ortda qolmoqda. O‘z uyida mag‘lubiyatga uchragan “Parma” 25 turda atigi 15 ochko to‘plab, 19-o‘rinda bormoqda.
A Seriya
25-tur bahsi
4-mart, payshanba
“Parma”—“Inter M” 1:2
Gollar: 0:1 – 54 Sanches, 0:2 – 62 Sanches, 1:2 – 71 Ernani.
“Parma”: Sepe, Osorio, Galyolo (Pessella, 66), Bani, Valenti (Byusi, 66), Brugman, Kurtich, Man (Miheile, 46), Kutska (Ingleze, 66), Karamo, Ernani (Pelle, 85).
“Inter”: Handanovich, Bastoni, de Vrey, Shkrinyar, Hakimi, Barella, Perishich (Darmian, 84), Eriksen (Vidal, 67), Brozovich, Sanches (Martines, 75), Lukaku.
Ogohlantirish: Darmian (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)