Polkovnik Mahkam Vafoyev Olmazor tumani Ichki ishlar organlari faoliyatini muvofiqlashtirish boshqarmasi boshlig‘i lavozimiga tayinlandi. Bu haqda IIV matbuot xizmati xabar berdi.
Tayinlovga qadar Mahkam Vafoyev Toshkent shahar IIBB boshlig‘ining o‘rinbosari-huquqbuzarliklar profilaktikasi boshqarmasi boshlig‘i lavozimida faoliyat yuritgan.
2020-yilning 21-fevralida Mahkam Vafoyev Mahalla va oilani qo‘llab-quvvatlash boshqarmasi boshlig‘i o‘rinbosari etib tayinlangandi.
Shuningdek, ichki ishlar vazirining shaxsiy tarkib bo‘yicha buyrug‘i bilan podpolkovnik Bositxon Qosimov Uchqo‘rg‘on tumani ichki ishlar bo‘limi boshlig‘i lavozimiga tayinlangan. Tayinlovga qadar Bositxon Qosimov Namangan viloyati IIB huzuridagi tergov boshqarmasi boshlig‘ining o‘rinbosari lavozimida faoliyat yuritgan.
Avvalroq Yahyojon Abdulhaqov ichki ishlar vazirining o‘rinbosari – Tergov boshqarmasi boshlig‘i etib tayinlangani, Najmiddin To‘raxo‘jayev vazirning axborot texnologiyalari bo‘yicha o‘rinbosari etib tayinlangani, general-leytenant Bahodir Matlyubov Ichki ishlar vazirligi akademiyasining boshlig‘i lavozimidan ozod etilgani, uning o‘rniga Rustam Hotamov akademiyaning yangi rahbari bo‘lgani haqida xabar berilgan edi.
Izoh (0)