O‘zbekistonga 2020-yilda 50 ta xorijiy mamlakatlardan 566,8 million dollar miqdorida yog‘och va yog‘och buyumlari import qilindi, deya xabar qilmoqda Davlat statistika qo‘mitasi.
Qo‘mita ma’lumotlariga ko‘ra, bu ko‘rsatkich 2019-yilga nisbatan 45,1 million dollarga kam.
O‘zbekiston 2020-yili import qilgan yog‘och va yog‘och mahsulotlarining eng katta ulushi Rossiyaga to‘g‘ri keldi. Mazkur davlatdan O‘zbekistonga 520 million dollar miqdorida yog‘och import qilingan. Bu esa umumiy yog‘och importining 91,7 foizni tashkil qiladi.
Undan keyin Xitoy (18,8 million), Turkiya (6,5 million), Belarus (4,2 million), Italiya (2,8 million), Qirg‘iziston (2,8 million), Ukraina (2,6 million), Qozog‘iston (2,6 million), Janubiy Koreya (1,7 million) va Germaniya (1,1 million) turibdi.
Bundan avval O‘zbekistonda elektromobillar importi ikki yilda 10 barobarga oshgani, 10 oyda necha tonna mandarin import qilingani hamda mobil telefonlar importi ikki barobarga oshgani haqida xabar berilgandi.
Izoh (0)