Полковник Маҳкам Вафоев Олмазор тумани Ички ишлар органлари фаолиятини мувофиқлаштириш бошқармаси бошлиғи лавозимига тайинланди. Бу ҳақда ИИВ матбуот хизмати хабар берди.
Тайинловга қадар Маҳкам Вафоев Тошкент шаҳар ИИББ бошлиғининг ўринбосари-ҳуқуқбузарликлар профилактикаси бошқармаси бошлиғи лавозимида фаолият юритган.
2020 йилнинг 21 февралида Маҳкам Вафоев Маҳалла ва оилани қўллаб-қувватлаш бошқармаси бошлиғи ўринбосари этиб тайинланганди.
Шунингдек, ички ишлар вазирининг шахсий таркиб бўйича буйруғи билан подполковник Боситхон Қосимов Учқўрғон тумани ички ишлар бўлими бошлиғи лавозимига тайинланган. Тайинловга қадар Боситхон Қосимов Наманган вилояти ИИБ ҳузуридаги тергов бошқармаси бошлиғининг ўринбосари лавозимида фаолият юритган.
Аввалроқ Яҳёжон Абдулҳақов ички ишлар вазирининг ўринбосари – Тергов бошқармаси бошлиғи этиб тайинлангани, Нажмиддин Тўрахўжаев вазирнинг ахборот технологиялари бўйича ўринбосари этиб тайинлангани, генерал-лейтенант Баҳодир Матлюбов Ички ишлар вазирлиги академиясининг бошлиғи лавозимидан озод этилгани, унинг ўрнига Рустам Ҳотамов академиянинг янги раҳбари бўлгани ҳақида хабар берилган эди.
Изоҳ (0)