БААнинг Дубай шаҳрида йиғин ўтказаётган Ўзбекистон миллий терма жамоаси 17 февраль, чоршанба куни «Шахтёр Солигорск» клубига қарши баҳс олиб борди.
Учрашувнинг 12-дақиқасида Юлиус Сзоке солигорскликларни олдинга олиб чиқди. 34-дақиқада Юрий Кендиш ўта қўпол ҳаракати учун тўғридан-тўғри қизил карточкага лойиқ кўрилди. Бироқ ўзаро келишувга кўра унинг ўрнига бошқа футболчи ўйинни давом эттирди, яъни, «Шахтёр» камчиликда қолмади.
Иккинчи бўлим дебютида беларуслар яна икки бор Ўзбекистон терма жамоаси дарвозасига йўл топди. Қолган вақтда ҳисоб ўзгармади.
Иккинчи бўлим ўрталарига келиб икки жамоа вакиллари ўртасида тортишув юзага келди. Майдондаги футболчилар жанжалига захира ўриндиғи вакиллари ҳам аралашди. Эпизодларнинг бирида «Шахтёр» футболчиларидан бири Холмуҳаммедовнинг юз қисмига зарба берди, ўз ўрнида Мурод ҳам буни жавобсиз қолдирмади. Якунда томонлар муросага келди ва ўйин давом этди, ҳакам эса иккита сариқ карточка билан чекланди.
Шу тариқа Вадим Абрамов шогирдлари йиғин доирасидаги сўнгги назорат ўйинида йирик ҳисобдаги мағлубиятни қабул қилиб олди. Аввалроқ Ўзбекистон «Зенит»га қарши баҳсда мағлуб бўлган (0:4) ва Иорданияни таслим этганди (2:0).
Назорат баҳси
17 февраль, чоршанба
Ўзбекистон — «Шахтёр Солигорск» 0:3
Голлар: 0:1 – 12 Сзоке, 0:2 – 47 Океухи, 0:3 – 55 Шиндагоридзе.Ўзбекистон: Ботирали Эргашев, Ҳожиакбар Алижонов, Игор Голбан, Ҳусниддин Алиқулов, Фарруҳ Сайфиев, Одилжон Ҳамробеков, Нурилло Тўхтасинов Санжар Қодирқулов, Ҳусниддин Ғофуров, Ҳожимат Эркинов, Миржаҳон Мираҳматов
Захира: Абдувоҳид Неъматов, Ислом Қобилов, Ислом Тўхтахўжаев, Иброҳимхалил Йўлдошев, Акмал Мозговой, Мурод Холмуҳаммедов, Азизбек Турғунбоев, Ойбек Бозоров.
«Шахтёр»: Гутор, Шевченко, Филипенко, Сачивко, Антич, Сзоке, Юрий Кендиш, Диасамидзе, Океухи, Стасевич, Дарбо.
Захира: Черник, Белов, Малашицкий, Политевич, Хадаркевич, Бегунов, Макаренко, Сотников, Корзун, Кунский, Иванович, Ахмеди, Подстрелов, Шаҳзод Убайдуллаев, Шиндагоридзе, Дебелко.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)