Futbol bo‘yicha Italiya Kubogining yarim final javob bahsi doirasida “Atalanta” va “Napoli” jamoalari 10-fevral, chorshanba kuni o‘zaro bahs yuritdi.
Uchrashuvning 10-daqiqasida mezbon jamoa a’zosi Duvan Sapata tezkor gol kiritishga muvaffaq bo‘ldi. 6 daqiqa o‘tib, Mateo Pessina “Atalanta”ning hisobiga ikkinchi golni yozdirib qo‘ydi.
Bahsning 53-daqiqasida Irving Losano mezbonlar darvozasiga to‘p kiritib, hisobdagi farqni qisqartirdi. 78-daqiqada Pessina o‘z hisobiga dubl yozdirib qo‘ydi.
Shu tariqa Jan Pyero Gasperini shogirdlari musobaqa finaliga yo‘l oldi. Finalda ularni “Yuventus” jamoasi kutib turibdi. Final bahsi 19-may sanasida bo‘lib o‘tishi rejalashtirilgan.
Italiya Kubogi
Yarim final bahsi
10-fevral, chorshanba
“Atalanta” — “Napoli” 3:1
Gollar: 1:0 – 10 Sapata, 2:0 – 16 Pessina, 2:1 – 53 Losano, 3:1 – 78 Pessina.“Atalanta”: Gollini, Shutalo, Toloi, Palomino (Kaldara, 72), Gozens, Froyler, de Ron, Pessina (Pashalich, 90), Gimshiti, Sapata, Muriel (Ilichich, 56).
“Napoli”: Ospina, Hyusay (Mariu Ruy, 42), Maksimovich, Rrahmani, Di Lorenso, Zelinski (Demme, 64), Bakayoko (Lobotka, 64), Insinye, Elmaz (Politano, 46), Losano, Osimhen (Petanya, 78).
Ogohlantirishlar: Palomino (7), Xyusay (25), Zelinski (57), Di Lorenso (75), Insinye (90).
Ilk o‘yin — 0:0
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)