Футбол бўйича Италия Кубогининг ярим финал жавоб баҳси доирасида «Аталанта» ва «Наполи» жамоалари 10 февраль, чоршанба куни ўзаро баҳс юритди.
Учрашувнинг 10-дақиқасида мезбон жамоа аъзоси Дуван Сапата тезкор гол киритишга муваффақ бўлди. 6 дақиқа ўтиб, Матео Пессина «Аталанта»нинг ҳисобига иккинчи голни ёздириб қўйди.
Баҳснинг 53-дақиқасида Ирвинг Лосано мезбонлар дарвозасига тўп киритиб, ҳисобдаги фарқни қисқартирди. 78-дақиқада Пессина ўз ҳисобига дубль ёздириб қўйди.
Шу тариқа Жан Пьеро Гасперини шогирдлари мусобақа финалига йўл олди. Финалда уларни «Ювентус» жамоаси кутиб турибди. Финал баҳси 19 май санасида бўлиб ўтиши режалаштирилган.
Италия Кубоги
Ярим финал баҳси
10 февраль, чоршанба
«Аталанта» — «Наполи» 3:1
Голлар: 1:0 – 10 Сапата, 2:0 – 16 Пессина, 2:1 – 53 Лосано, 3:1 – 78 Пессина.«Аталанта»: Голлини, Шутало, Толои, Паломино (Калдара, 72), Гозенс, Фройлер, де Рон, Пессина (Пашалич, 90), Гимшити, Сапата, Муриэль (Иличич, 56).
«Наполи»: Оспина, Ҳюсай (Мариу Руй, 42), Максимович, Рраҳмани, Ди Лоренцо, Зелиньски (Демме, 64), Бакаёко (Лоботка, 64), Инсинье, Элмаз (Политано, 46), Лосано, Осимҳен (Петанья, 78).
Огоҳлантиришлар: Паломино (7), Хюсай (25), Зелиньски (57), Ди Лоренцо (75), Инсинье (90).
Илк ўйин — 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)