Netflix yangi strategiya doirasida 2-mavsumni ikki qismga bo‘lib taqdim etdi. Kompaniya ushbu mavsumning 4 qismini avgust boshida namoyish qilgan bo‘lsa, yakuniy epizodlarning premyerasi 3-sentyabrga belgilangan. Muxlislar serialning yangi mavsumini uzoq kutishdi: birinchi va ikkinchi mavsum orasida ikki yil-u to‘qqiz oy vaqt o‘tdi. Ammo, uchinchi mavsum ancha tezroq chiqadi. Forbes ma’lumotlariga ko‘ra, suratga olish ishlari 2025-yil noyabrda boshlanadi. Demak premyera 2027-yil fevral oyida bo‘lishi mumkin. “Uenzdey” Netflix’dagi eng mashhur filmlardan biri hisoblanadi. Film mualliflari “Kalmar o‘yini” seriali tugaganidan keyin serialning davomiyligini imkon qadar uzoqroq qilishga harakat qiladi. Shuning uchun tomoshabinlarni hali ko‘plab mavsumlar kutmoqda. Agar serialning chiqish vaqti oldingisiga nisbatan bir yarim yilga qisqartirilsa, kompaniya auditoriyaning qiziqishini osonlik bilan saqlab qolishi mumkin. Juda uzoq tanaffus esa tomoshabinlarning syujetni unutib qo‘yishiga sabab bo‘ladi. “Uenzdey” — Tim Byorton tomonidan yaratilgan hikoya bo‘lib, Uenzdey Addamsga bag‘ishlangan. Qizaloq jamiyat me’yorlariga mos kelmaydigan, ajoyib va o‘ziga xos o‘quvchilar uchun mo‘ljallangan maktabga o‘qishga kiradi. Maktabdagi ta’lim bilan birga u sirli qotilliklar va boshqa jinoyatlarni tergov qiladi. Serialda asosiy rolni Jenna Ortega ijro etadi.
×![Lightbox Image]()
Izoh (0)