ZTE kompaniyasining mobil qurilmalar bo‘linmasi prezidenti Ni Fey o‘yin uchun mo‘ljallangan Nubia Red Magic 6 smartfoni mutlaqo yangilangan sovutish tizimiga ega bo‘lishini ma’lum qildi, deb xabar beradi IXBT.
Uning so‘zlariga ko‘ra, smartfon yangi yuqori tezlikda ishlovchi ventilyator, shuningdek, so‘zma-so‘z “To‘qqiz o‘qli fazoviy joylashuv va suzuvchi harakat” deya tarjima qilinadigan Nine-axis Spatial Positioning and Floating Movement innovatsion texnologik yechimiga ega bo‘ladi.
Ni Feyning qo‘shimcha qilishicha, ular nafaqat ventilyatorni kuchaytirgan, balki sovutish texnologiyasida haqiqiy yutuqqa erishgan. Shuningdek, yangi smartfonga oid videorolik ham e’lon qilingan bo‘lib, unda foydalanuvchi Nubia Red Magic 6’ni qo‘lidan qo‘yib yuborgan va u tom ma’noda havoda muallaq qolgan. Bu xuddi smartfon uchun e’tiborni tortishga qaratilgan marketing usuliga o‘xshaydi. Shunga qaramay, namoyish etilgan videoning rasmiy izohini kutishdan boshqa iloj yo‘q.
Samarali sovutish tizimi nafaqat o‘yinlarda, balki 120 vattli simli quvvatlantirish jarayonida ham qo‘llaniladi.
Nubia Red Magic 6 faol sovutish tizimiga ega Snapdragon 888 bazasidagi birinchi flagmanga aylanadi.
Izoh (0)