Samsung kompaniyasi o‘rta darajadagi Galaxy M12 smartfonini rasman taqdim etdi. Unga HD+ sifatni qo‘llab-quvvatlovchi va frontal kamera (8 Mp) uchun mo‘ljallangan qirqimga ega 6,5 dyuymli Infinity-V displeyi o‘rnatilgan, deb xabar beradi Hi-Tech.Mail.ru.
Tezkor xotira hajmi uch xil modifikatsiyaga qarab 3, 4 yoki 6 gigabaytni tashkil etadi. Ichki xotirasi mos ravishda — 32, 64 va 128 gigabayt. Xohishga qarab microSD’dan ham foydalanish mumkin.
Protsessori haqida ma’lumot berilmagan, biroq avvalroq tarqalgan insayderlik xabarlariga ko‘ra, unga Exynos 850 o‘rnatilgan.
Galaxy M12’ning asosiy o‘ziga xosligi sig‘imi 6000 mA/soatga teng akkumulyatori — odatda bu kabi sig‘imga ega batareyalar planshetlarga o‘rnatiladi. Smartfon bir marta quvvatlanish orqali 24 soat faol ishlay oladi. Shuningdek, qurilma eskirgan microUSB’ni emas, zamonaviy USB Type-C’ni qo‘llab-quvvatlaydi.
Bundan tashqari, asosiy kameraning kvadrat bloki va yon tomonidagi barmoq izi skanerini ta’kidlab o‘tish lozim. Smartfon tashqi ko‘rinishi bilan Apple’ning yangi lineykasini yodga soladi. Tasvirga olishga mo‘ljallangan asosiy datchik 48 megapikselga teng, shuningdek, keng burchakli 5 Mp, chuqurlikni o‘lchovchi va makromodul (ikkalasi ham 2 megapikseldan) o‘rnatilgan.
Hozircha yangi smartfon narxi keltirib o‘tilmagan. O‘zidan oldingi Galaxy M11’dan kelib chiqiladigan bo‘lsa, yangi model narxi 130-160 dollar atrofida bo‘ladi.
Izoh (0)