2020-yilda Apple kompaniyasi iPhone 8 dizaynini takrorlovchi, biroq yangilangan protsessor va yaxshilangan kameraga ega yangi iPhone SE’ni taqdim etgandi. Aftidan, kompaniya bu kabi usulni ikkinchi bor takrorlash niyatida emas, shu sababli iPhone SE 3 mutlaqo yangicha dizaynga ega bo‘ladi, deb yozadi Hi-Tech.Mail.ru.
JPMorgan Chase tahlilchilarining hisobotida qayd etilishicha, yangi iPhone SE 2022-yilda taqdim etiladi va ancha zamonaviy, ingichka hoshiyalarga ega bo‘ladi. Shu bilan birga, uning ekrani oldingi avlodga tegishli — iPhone 11’dagi kabi 6,1 dyuymli IPS-matritsa. Biroq Face ID yuz skaneri o‘rniga uning yon tomoniga barmoq izi skaneri o‘rnatiladi. Shuningdek, u oddiy va keng burchakli obyektivga ega ikkitalik kameraga ega bo‘ladi — ikkisi ham 12 megapikselli.
Biroq Apple protsessor borasida hech narsani tejab qolmaydi — iPhone SE xuddi yangi iPhone 12’lardagi kabi A14 chipiga ega bo‘ladi. Yagona jihati, kompaniya 5G modemga ega qimmat flagmanlardan farqli o‘laroq, kichikroq tezkor xotira o‘rnatadi.
Uchinchi avlod iPhone SE’larning narxi haqida hozircha ma’lumot yo‘q. Oldingi modellar bilan taqqoslanadigan bo‘lsa, uning narxi 400 dollar atrofida bo‘lishi kutilmoqda.
Avvalroq Apple Xiaomi smartfonlari bilan raqobatlasha oladigan arzon iPhone SE Plus ishlab chiqarishi to‘g‘risida xabar berilgandi.
Mavzuga doir: Eng talabgir iPhone modellari reytingi e’lon qilindi
Izoh (0)