AQShning 46-prezidenti Jo Bayden avtomobilsozlik sanoatini umumiy elektrlashtirishni ustuvor yo‘nalish deb e’lon qilgani to‘g‘risida xabar berilgandi. Motor’ning yozishicha, shu sababli dunyoga mashhur The Beast limuzini ham elektr energiyasida harakatlanishga o‘tishi mumkin.
AQShning saylangan prezidenti Jo Bayden Oq uy bilan birga, Amerikaning №1 avtomobilini ham qabul qilib olgan: The Beast nomli Cadillac One limuzini. 1993-yildan buyon prezidentlar uchun avtomobil ishlab chiqarish bilan General Motors shug‘ullanib kelmoqda. “Yirtqich”ning so‘nggi versiyasi Donald Trampga 2018-yilda taqdim etilgandi. U GMC TopKick yuk mashinasi platformasida yaratilgan, yuqori darajada zirhlangan va og‘irligi 6,8 tonna keladi. Jo Bayden The Beast’dan foydalanishni davom etishi yoki yangi limuzin buyurtma qilishi mumkin.
Agarda u so‘nggi variantni tanlaydigan bo‘lsa, prezidentning yangi limuzini qanday ko‘rinish oladi? Bayden avtomobilsozlik sanoatini elektrlashtirilishini ustuvor yo‘nalish deb e’lon qilganini hisobga olgan GM Authority nashri The Beast’ni old qismi Cadillac Lyriq elektrokrossoveriniki kabi bo‘lgan zirhlangan limuzin sifatida tasvirladi. Natija yomon emas, Bayden barcha amaldorlarni elektrokarlarga o‘tkazishni rejalashtirayotgani sabab ushbu g‘oya amalga oshishi mumkin.
Avvalroq AQShda bir marta quvvatlanish orqali 1,6 ming kilometr yo‘l bosa oladigan uch g‘ildirakli elektrokar taqdim etilgan edi.
Izoh (0)