AQSH prezidenti Donald Tramp uni tanqid qilayotgan Amerika telekanallaridan ABC va NBC efir litsenziyalarini bekor qilishni qo‘llab-quvvatlashini aytdi. Bu haqda Amerika rahbari o‘zining Truth Social sahifasida yozgan.
-ClAK_qj3.avif)
“Juda yuqori reyting va ko‘pchilik fikricha, so‘nggi sakkiz oy prezidentlik muddatlari tarixidagi eng yaxshilaridan biri bo‘lishiga qaramay, ABC va NBC kabi yolg‘onchi ommaviy axborot vositalari, ikkita eng yomon va eng noxolis telekanal, 97 foiz hollarda men haqimda salbiy yangiliklarni ko‘rsatadi”, deya ta’kidlagan Tramp.
“Agar shunday bo‘lsa, ular shunchaki Demokratik partiyaning bo‘linmasi hisoblanadi va ko‘pchilik o‘ylaganidek, Federal aloqa komissiyasi ularning litsenziyalarini bekor qilishi kerak. Men buni to‘liq qo‘llab-quvvatlagan bo‘lardim, chunki ular shunchalik noxolis va yolg‘onchiki, demokratiyamiz uchun haqiqiy tahdid tug‘diradi”, deya qo‘shimcha qildi u.
Shuningdek, Tramp telekanallar efir chastotalaridan foydalanganlik uchun litsenziya to‘lovlari sifatida millionlab dollar to‘lamaganini ta’kidlagan va ABC hamda NBC bu pullarni to‘lashi kerakligini bildirgan.
2024-yil mart oyida Tramp ABC boshlovchisi Jorj Stefanopulosning efirda Tramp jinsiy tajovuz haqida gap ketayotganiga qaramay, zo‘rlashda aybdor deb topilganini ta’kidlagan so‘zlari bo‘yicha sudga murojaat qildi. Sud jarayoni natijasida ABC News va Stefanopulos ishni hal qilishga rozi bo‘lib, Trampga 15 mln dollarto‘lashdi.
Shuningdek, 2025-yil aprelda Tramp Ukraina va Grenlandiya haqidagi ko‘rsatuvdan so‘ng CBS’ni litsenziyasidan mahrum qilishga chaqirdi. Respublikachining ko‘plab Amerika ommaviy axborot vositalari bilan ziddiyatli munosabatlari bor. Uning da’volari The New York Times, Daily Beast kabi nashrlarga, shuningdek Penguin Random House nashriyotiga ta’sir ko‘rsatgan.
Trampning saylovdagi g‘alabasidan so‘ng AQSH Jurnalistlarni himoya qilish qo‘mitasi matbuotga qarshi da’volarni “ommaviy axborot vositalari erkinligiga ochiq va to‘g‘ridan-to‘g‘ri tahdid” deb baholagan.
Izoh (0)