АҚШнинг 46-президенти Жо Байден автомобилсозлик саноатини умумий электрлаштиришни устувор йўналиш деб эълон қилгани тўғрисида хабар берилганди. Motor’нинг ёзишича, шу сабабли дунёга машҳур The Beast лимузини ҳам электр энергиясида ҳаракатланишга ўтиши мумкин.
АҚШнинг сайланган президенти Жо Байден Оқ уй билан бирга, Американинг №1 автомобилини ҳам қабул қилиб олган: The Beast номли Cadillac One лимузини. 1993 йилдан буён президентлар учун автомобиль ишлаб чиқариш билан General Motors шуғулланиб келмоқда. «Йиртқич»нинг сўнгги версияси Дональд Трампга 2018 йилда тақдим этилганди. У GMC TopKick юк машинаси платформасида яратилган, юқори даражада зирҳланган ва оғирлиги 6,8 тонна келади. Жо Байден The Beast’дан фойдаланишни давом этиши ёки янги лимузин буюртма қилиши мумкин.
Агарда у сўнгги вариантни танлайдиган бўлса, президентнинг янги лимузини қандай кўриниш олади? Байден автомобилсозлик саноатини электрлаштирилишини устувор йўналиш деб эълон қилганини ҳисобга олган GM Authority нашри The Beast’ни олд қисми Cadillac Lyriq электрокроссовериники каби бўлган зирҳланган лимузин сифатида тасвирлади. Натижа ёмон эмас, Байден барча амалдорларни электрокарларга ўтказишни режалаштираётгани сабаб ушбу ғоя амалга ошиши мумкин.
Аввалроқ АҚШда бир марта қувватланиш орқали 1,6 минг километр йўл боса оладиган уч ғилдиракли электрокар тақдим этилган эди.
Изоҳ (0)