Futbol bo‘yicha Germaniya Bundesligasining 20-turidan o‘rin olgan bir qator uchrashuvlar 6-fevral, shanba kuni bo‘lib o‘tdi.
Dortmundning “Borussiya”si safarda “Frayburg”ga qarshi bahs olib bordi. Ikkinchi bo‘lim debyutida maydon egalari ketma-ket ikkita gol urgan holda oldinga o‘tib oldi. Bunga dortmundliklar 76-daqiqada Yusuffa Mukokoning goli bilan javob qaytardi. Qolgan vaqtda hisob o‘zgarmadi.
“Leypsig” jamoasi “Shalke-04” maydonida mehmon bo‘ldi. Birinchi bo‘limga qo‘shib berilgan vaqtda Nordi Mukiyele “buqalar”ning dastlabki golini urdi. 73-daqiqada Marsel Zabitser hisobni oshirgan bo‘lsa, 87-daqiqada Dayo Upamekano o‘yinga nuqta qo‘ydi.
“Bayer” esa “Shtutgart”ni qabul qildi. Gollarga boy bo‘lgan bahsda leverkuzenliklar yirik hisobdagi g‘alabani qo‘lga kiritdi. “Volfsburg” esa safarda “Augsburg”ni yengdi.
“Leypsig” 41 ochko bilan ikkinchi o‘rinda bormoqda va peshqadam “Bavariya”dan olti ochko ortda. “Volfsburg” (38) va “Bayer” (35) esa keyingi o‘rinlarni band etgan. Dortmundliklar 32 ochko bilan 6-pog‘onadan joy olgan.
Bundesliga
20-tur bahslari
6-fevral, shanba
“Frayburg” — “Borussiya D” 2:1
Gollar: 1:0 – 49 Chon Vu Yon, 2:0 – 52 Shmid, 2:1 – 76 Mukoko.“Frayburg”: Myuller, Linxart, Shlotterbek, Gyunter, Hefler, Grifo (Gulde, 77), Santamariya, Shmid (Kyubler, 86), Chon Vu Yon (Haberer, 70), Xeler (Kaytel, 86), Demirovich (Petersen, 70).
“Borussiya D”: Hits, Hummels, Akanji, Gerreyru, Dileyni (Daud, 60), Brandt (Bellinghem, 46), Sancho, Reyna (Reyniyer, 70), Jan, Roys (Mukoko, 60), Holand.
Ogohlantirishlar: Bellinghem (78), Akanji (90), Haberer (90).
“Shalke-04” — “Leypsig” 0:3
Gollar: 0:1 – 45+3 Mukiyele, 0:2 – 73 Zabitser, 0:3 – 87 Orban.“Bayer” — “Shtutgart” 5:2
Gollar: 1:0 – 18 Demirbay, 2:0 – 31 Demirbay, 2:1 – 50 Kalayjich, 3:1 – 56 Beyli, 4:1 – 68 Virts, 4:2 – 77 Kalayjich, 5:2 – 84 Grey.“Augsburg” — “Volfsburg” 0:2
Gollar: 0:1 – 38 Vegorst, 0:2 – 59 Baku.“Mayns” — “Union Berlin” 1:0
Gol: 1:0 – 22, penalti Niakate.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)